還是油菜花田好了

我從來都不買花,亦未曾收過花。

花,是代表一種喜悅,一種生機。

關於花的回憶,可能只限於一大片黃綠色的油菜花田。是「茶是故鄉濃」中,長到1 米多高的田砌成的油菜花海。

這些桃花,小白菊,還有幾枝不知名堂的花,是年三十臨近破曉前買的,價錢平得可憐。

把他們帶回家,是因為喜歡和知已好友到處搜羅的一個過程,我不是喜歡花,但也不特別討厭它們。

我清楚知道,我喜歡的,只是追求的過程,而那個過程並不長久。

我不懂欣賞花卉的神態,所以只能愛上雄壯而動人的油菜花田。

特別鳴謝:3c踩下去(一年不見的w又再胖)

BSE團年飯記

話說,年廿九當晚,我跟m在common準備年飯,原本在我房間內玩電腦的k,突然撞門而入,手執我前2秒還在響的電話,嘆息:「我已經以9秒9速度衝入來,可惜...嘩~~~好香呀!!」在我來得及反應之前,m已經朝k走過去,彎低身,然後以迷網的眼光,盯著k手上的電話,問道:「乜個電話好香咩?」
不到一秒,嘩哈哈哈哈!!!!

m用的是56k,所以成日斷線,這樣的gag,之後一定陸續有來。


相約3c同學仔遊維園年宵,雖然接近半年不見,大家都還是老樣子。
在等待的時間,大家都問了一條又一條的iq題。

夫差是吳國人,西施是越國人,勾踐是什麼人?

最後,我和s都買了一個巨型珍寶豬返hall,相信亦是今年年宵最好賺的貨品。

新年快樂!!

食個包都比人炒??how come??

1日做14hrs,肚餓食個包啫,咁都比人炒?
特技呀!!拖地唔比用漂白水,地拖又唔比整污漕??~~~

話說,同新鴻基&港威開完會之後,我要監察一下清潔工o既待遇有冇得到合理o既改善。
o係上個星期,我就落商場同d工友傾偈。

o係荃灣同荃錦2個商場,工友在2個月前加佐人工,工資去到市場中位數o既水平,即$24.x,明顯係跟佐工資保障去玩,所以問題都唔大。

去到新都會同新世紀,走訪佐每一層o既廁所,個個工友都話自己第一日入黎做,一係就話自己唔識字,咩都唔知。最後終於比我搵到個同係客家人o既同鄉,佢o係另一個工友o既掩護下,靜靜咁同我入佐同一隔toilet傾偈,對話仲要係用客家話。果然,港威真係落佐「封口令」,一同人講工資待遇就會比人fire!!搞到個個都人心徨徨,縱使其實好多工友都不滿。

$3800返10hrs,人工低不在話下,又完全唔比少少休息同飲水,大佬,工友係人唔係機器呀!!toilet入面仲要有張紙list佐十幾樣野,e.g.玻璃地下洗手盤，管工會隨時入黎睇下le十幾樣野乾唔乾淨,有冇積水。商場toilet人流咁多,le邊洗完廁所,o個邊地下又濕晒,然後廁所又冇廁紙,我睇住佢地行黎行去,工作好似永遠都冇做完o既一日。

peter仔話比我知,有個好老o既伯伯,因為over佐65歲,公司冇幫佢供強積金,口罩仲要自己出錢買。平時一般日做10hrs,但公司比佢任意加班,鬼叫佢人工低咩,好似o個日佢就返14hrs,雖OT$25/hr,但佢年紀都咁大,咁唔知佢點撐落去。

「長江後浪推前浪」,估唔到好野仲o係後頭。

衛康(清潔公司)出名衰,唔同d工友傾過都唔知衰得咁貼地。首先,商場地下污漕佐/有污漬係唔可以用地拖,要用毛巾抹嫁,不過你唔好諗住用隻腳踩o係毛巾上卒呀,公司規完要工友跪/蹲o係地下用雙手抹嫁；對膠手套返10hrs就要帶足10hrs,唔可以除!!

廁所地下可以用地拖,但唔比用漂白水,地拖仲要唔好整污漕添,簡直係奇人奇技呀!!新鴻基定出咁o既要求,不如叫佢地d高層黎表現下丫,我諗好多人都想知個中秘技!!

每個廁所門口側邊,總會有一大塊牌貼住工友個名同張相,方便客人隨時complain。個廁所工友有次電話響,傾佐一陣電話,冇耐就黎佐一隊西裝骨骨o既新鴻基員工,包圍住個工友,叫佢拎個電話出黎,工友嚇到呆佐,西裝友就一手搶佐阿姐個電話,check到佢講佐4mins,就警告佢,如有下次,即炒!!原來佢地返工時係唔比聽電話,要同外界完全隔絕o既~難為佐返2更成十幾hrs的工友,屋企有咩突發事都唔知。

有個返14hrs的工友,清早返工,收夜晚,中間得45mins食野,成日係咁做,鬼都餓啦。佢一路抹地一路食包,比個新鴻基o既保安見到,即時就炒佐魷魚lu~

le排不停咁擺站招人,收集簽名,落區傾偈同示威抗議等等,

其實我地爭取o既,只不過係一個合理o既工資同人道o既待遇而已!!

補返先!!APM行動喇!!

蘋果日報 2007-01-22 港聞 A06

清潔工超低薪迫令後巷用膳　apm外判商五招剝削員工
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~


【本報訊】美輪美奐的商場背後，是工人慘被剝削的辛酸故事。新鴻基旗下人氣商場apm的清潔承辦商港威清潔有限公司，被踢爆剝削清潔工五宗罪，包括以超低薪聘請員工；又曾扣起工人每月10元薪金，聲稱作慈善用途；最離譜是嚴禁員工到美食廣場用膳，迫使他們坐在後巷進食。四個關注團體約20名代表昨穿上清潔工制服，直踩apm大堂抗議港威欺壓工人、新鴻基監管不力。記者：盧文烈

大專學生基層關注組等四個團體昨在觀塘街頭舉行簽名活動，其後四個團體共20多名代表換上清潔工人制服，前往apm商場抗議，代表在商場大堂拉起橫額，並高叫「抗議新鴻基唔理工人死活」。港威清潔答允本周六與團體會面。

關注組發言人呂媛說，去年9月曾到新鴻基總部抗議，要求對方加強監管旗下商場的清潔承辦商，但去年11至12月期間再到apm訪問約10名工人，發現工人仍然面對低薪剝削困境。

薪金列房津避強積金

呂媛估計apm商場大約聘有40名清潔工，調查發現，該批工人每日工作10小時，時薪僅得18元至19元，不但與工會提倡的時薪30元少四成，與政府工資保障運動建議時薪24.2元相比，也少兩成多。關注組又指，港威將員工薪金一半列為房屋津貼，由於房津不用供強積金，公司每月可節省每名工人100元供款。此外，公司規定員工入職時須繳交50元作制服按金，而員工如圍裙有損壞，則需賠償100元。呂媛說，港威之前曾不合法地每個月扣起員工10元，聲稱作慈善用途或用作維修洗手盤及廁格之費用，關注組其後作出投訴，港威去年12月才取消有關扣薪。呂媛說，不少apm廁所清潔工反映不僅沒有休息時間，甚至連到廁所門外飲水也不准，廁所沒有椅子讓工人坐下，管理層更禁止員工站稍事休息，要求他們不停走動工作。

批評新鴻基不聞不問
另外，商場不但沒有為員工提供進食地方，甚至禁止工人到美食廣場用膳，員工迫不得已到沒有人看到的後巷吃飯。呂媛慨歎：「對員工講係好大侮辱。」對於團體的指控，港威昨稱暫未有回應，本報也未能聯絡新鴻基。關注組批評港威作為直接剝削者固然可恥，將清潔服務以低價外判的新鴻基對工人處境不聞不問，亦要負上極大責任，要求兩機構盡快作改善。